VemIntel Հարցերի Բազա
Որոնեք, ֆիլտրեք և կարդացեք
17-րդ դարում Ամստերդամի դեղատներում մի հրաշագործ միջոց էր վաճառվում։ ԱՅՆ չորացնում էր ցանկացած հարբուխ, անցկացնում էր մրսածությունը, ուժեղացնում էր լյարդը, մաքրում արյունը, գերազանց միջոց էր քորի դեմ, թեթեւացնում էր սիրտը եւ բարելավում դրա բաբախումը, թեթեւացնում էր ստամոքսի ցավերը եւ բարելավում ախորժակը: Շատ շուտով այդ միջոցը հայտնի դարձավ նաեւ Ռուսաստանում:
Հարց՝ Անվանեք այդ միջոցը։
erikaavakova
23.10.2026
Պատասխան՝
Սուրճ
Ընդունելի է նաև՝ Կոֆե
Մեկնաբանություն: https://www.facebook.com/100063860203497/photos/%D0%B8%D1%81%D1%82%D0%BE%D1%80%D0%B8%D1%8F-%D0%BA%D0%BE%D1%84%D0%B5-%D0%B2-%D1%80%D0%BE%D1%81%D1%81%D0%B8%D0%B8%D0%B8%D1%81%D1%82%D0%BE%D1%80%D0%B8%D1%8E-%D0%BA%D0%BE%D1%84%D0%B5-%D0%B2-%D1%80%D0%BE%D1%81%D1%81%D0%B8%D0%B8-%D0%BD%D0%B0%D1%87%D0%B8%D0%BD%D0%B0%D1%8E%D1%82-%D1%81-1665-%D0%B3%D0%BE%D0%B4%D0%B0-%D0%BA%D0%BE%D0%B3%D0%B4%D0%B0-%D0%BF%D1%80%D0%B8%D0%B4%D0%B2%D0%BE%D1%80%D0%BD%D1%8B%D0%B9/695143784507047/
Հարցում կա փոխարինում: Կոնստանտին Վիբոռնովի խոսքերով օլիմպիական խաղերի եզրափակիչ խաղի երրորդ սեթում Ռաֆայել Նադալը մի քանի անգամ հնարավորություն ուներ հաղթելու մեծ սաղավարտը: Անվանեք, թե ինչ բառակապակցություն ենք փոխարինել մեծ սաղավարտով, եթե հայտնի է, որ այն մի քանի անգամ բաժին հասել է ուկրաինացիներին:
Vemintel
22.10.2026
Պատասխան՝
Ոսկե Գնդակ:
Մեկնաբանություն: Երրորդ սեթում Նադալն ուներ մի քանի մատչբոլ՝ գնդակներ, որոնք հաղթելու դեպքում նա կստանար ոսկե մեդալ: «Ոսկե գնդակի» դափնեկիրներ են եղել Բլոխինը, Բելանովը և Շևչենկոն:
2008 թվականի նոյեմբերի հինգին, Դենիելը ասաց, որ սև ԱՅԲ-ից հետո պետք է սպասել նաև սև ԲԵՆ-ի հայտ գալուն: Չնայած, ԱՅԲը այդ ժամանակ 44-րդն էր, իսկ ԲԵՆը միշտ լինում է յոթերորդը: Անվանեք ԲԵՆին:
Vemintel
22.10.2026
Պատասխան՝
Բոնդ:
Մեկնաբանություն: Դենիել Քրեյգը՝ Ջեյմս Բոնդի դերակատարներից մեկը (առաջին շիկահեր Բոնդը), ԱՄՆ նախագահական ընտրությունների արդյունքների հայտարարման օրը նշել է, որ Օբամայի ընտրվելուց հետո էկրաններին պետք է սպասել աֆրոամերիկացի Ջեյմս Բոնդի հայտնվելուն:
Ալեքսանդր Գենիսը, ով բավականին խիտ ուտող մարդ էր, մի փոքր չափազանցնելով պնդում է, որ վրացական խոհանոցում փորձում են ցանկացած ուտեստին հաղորդել ԱՅԲ: Սովորաբար ԱՅԲ-ի թվային արժեքը հավասար է 13,546-ի։ Անվանեք ԱՅԲ-ը երկու բառով, օգտվելով այս լուսանկարից, որտում պատկերված մարդը խիստ վտանգում է իր առողջությունը:
Vemintel
22.10.2026
Պատասխան՝
Սնդիկի խտություն:
Մեկնաբանություն: Իրոք, սնդիկը խիտ բան է. դրա խտությունը տասներեքուկես անգամ գերազանցում է ջրի խտությունը: «National Geographic» ամսագրի հազվագյուտ լուսանկարում մարդը նստած է հեղուկ սնդիկի մակերեսին՝ չսուզվելով դրա մեջ:
Մեկնաբանելով այն փաստը, որ Լիոնել Մեսսին չորրորդ անգամ դարձավ աշխարհի լավագույն ֆուտբոլիստը, Յուլիա Մամոյլենկոն հիշատակում է ոսկե ԱՅԲ-ը։ Ուկրաինայում ԱՅԲ-ը պաշտոնապես ճանաչվել է սպորտի տեսակ 2008 թվականին: Նշեք ԱՅԲ-ը։
Vemintel
22.10.2026
Պատասխան՝
պոկեր:
Մեկնաբանություն: Ֆուտբոլում պոկեր են անվանում մեկ խաղում ֆուտբոլիստի խփած չորս գնդակները: Իսկ Մեսսին չորրորդ անգամ դարձավ «Ոսկե գնդակի» տիրակալ:
Սկսած 1965 թվականից ամերիկացի ֆիզիկոս Ռիչարդ Ֆեյնմանը խորհուրդ էր տալիս իր ավելի ականավոր գործընկերներին մարզել հետընթաց քայլելու կարողությունը: Եվ հաճախ ճիշտ էր դուրս գալիս: Նշեք տեղանունը, որը հիշատակում էր Ֆեյնմանը հիմնավորելով իր խորհուրդը:
Vemintel
22.10.2026
Պատասխան՝
Ստոկհոլմ:
Մեկնաբանություն: Ֆիզիկայի Նոբելյան մրցանակը Ստոկհոլմում հանձնում է Շվեդիայի թագավորը: Ըստ էթիկետի՝ դափնեկիրը, մրցանակն ստանալուց հետո, իրավունք չունի թիկունքով շրջվել դեպի թագավորը: Ահա թե որտեղ է պետք գալիս մեջքով առաջ քայլելու հմտությունը: Ինքը՝ Ռիչարդ Ֆեյնմանը, ֆիզիկայի մրցանակն ստացել է 1962 թվականին:
Հիտլերի անձնական խորհրդական Ֆրից Դարգեսը 1944 թվականին ազատվեց պաշտոնից և ուղարկվեց Արևելյան ճակատ: Ըստ մի վարկածի դա տեղի ունեցավ այն պատճառով, որ Դարգեսը, որին Հիտլերը խնդրել էր սատկացնել ճանճին, հրաժարվեց և ասաց, որ դա պետք է անի ԱՅԲ-ի ուղղությամբ խորհրդականը: Նշեք ԱՅԲ-ը գերմաներեն բառով:
Vemintel
22.10.2026
Պատասխան՝
Լյուֆթվաֆֆե:
Մեկնաբանություն: Իրոք, տրամաբանական է, որ ճանճին պետք է որսար Լյուֆթվաֆֆեի գծով ադյուտանտը: Սակայն Հիտլերը կատակը չգնահատեց, և Դարգեսը պաշտոնանկ արվեց: Այնուամենայնիվ, կան այս պատմության այլ վարկածներ ևս, օրինակ՝ ասում են, որ Դարգեսը ծիծաղել է, երբ Հիտլերն ինքն է ապարդյուն փորձել բռնել այդ ճանճին:
1794 թվականին ԱՌԱՋԻՆԸ հատուկ կարևոր հարցերով դեսպան Ջոն Ջեյին ուղարկեց ԵՐԿՐՈՐԴ: ԵՐԿՐՈՐԴԸ մոտ էր սոցիալիստների հետ և 1894 թվականին մասնակցեց գործազուրկների երթին դեպի ԱՌԱՋԻՆ: Նշեք ԱՌԱՋԻՆԸ և ԵՐԿՐՈՐԴԸ ճիշտ հերթականությամբ:
Vemintel
22.10.2026
Պատասխան՝
Վաշինգտոն, Լոնդոն:
Մեկնաբանություն: Հարցում «ԱՌԱՋԻՆ» բառով փոխարինված են և՛ Վաշինգտոն քաղաքը, և՛ Ջորջ Վաշինգտոնը, իսկ «ԵՐԿՐՈՐԴ» բառով՝ և՛ Լոնդոն քաղաքը, և՛ Ջեկ Լոնդոնը:
Հարցում կա ԲԱՑԹՈՂՈՒՄ: «Epic Rap Battles of History» շարքի տեսահոլովակներից մեկում արևելյան փիլիսոփաները մրցում են արևմտյանների դեմ: Ծաղրելով իր մրցակցի բեղերի անհեթեթ ձևը Կոնֆուցիոսը ասում է, որ ԲԱՑԹՈՂՈւՄ քո բեղերի ամոթից: Լրացրեք ԲԱՑԹՈՂՈՒՄԸ երկու բառով:
Vemintel
22.10.2026
Պատասխան՝
Աստված մահացել է:
Մեկնաբանություն: Կոնֆուցիոսը ծաղրում է Նիցշեին՝ ասելով, թե Աստված մահացել է ամոթից, երբ տեսել է, թե ինչ անհեթեթ բեղեր է կրում փիլիսոփան: «Աստված մահացել է»-ն Նիցշեի հայտնի արտահայտությունն է:
Մի գովազդային հոլովակում մի քանի մարդ գլխիվայր կախված են մոտոցիկլետային սաղավարտներով այսպիսով պատկերելով ԴԱ: Երբ սովորական սաղավարտների փոխարեն նրանք դնում են հատուկ հարվածադիմացկուն սաղավարտներ, ԴԱ դադարում է գործել: Նշեք ԴԱ երկու բառով հաշվի առնելով, որ երեխաները շատ են սիրում ԴՐԱ բոլորիս հայտնի տարբերակը:
Vemintel
22.10.2026
Պատասխան՝
Նյուտոնի ճոճանակ:
Մեկնաբանություն: Նյուտոնի ճոճանակը մեխանիկական սարք է, որը կազմված է մի քանի կախված մետաղական գնդիկներից: Եթե շեղենք առաջին գնդիկը և բաց թողնենք, դրա էներգիան ու իմպուլսը առանց փոփոխության միջանկյալ գնդիկների միջով կփոխանցվեն վերջինին: Հարվածամարիչ սաղավարտները թույլ չեն տալիս իմպուլսը փոխանցել առաջին գնդիկից երկրորդին:
Մի իսպանական ստեղծագործությունում մի քանի մարդ խեղդամահ էին արվել նմանատիպ ձևով: Վեցերորդ զոհի հայտնաբերումից հետո հետաքննիչը սև կատակով ասաց, որ ԱՅԲ-երը հավաքել են դասական ԲԵՆ-ի 6 նեյլոնային կոմպոնենտները: Նշեք ԱՅԲ-երը և ԲԵՆ-ը:
Vemintel
22.10.2026
Պատասխան՝
Լարեր, կիթառ:
Մեկնաբանություն: Դասական կիթառն ունի վեց լար, սովորաբար՝ նեյլոնից:
ԴՈՒՊԼԵՏ 1. Մի անգլիալեզու սերիալում պատմվում է իռլանդացի գնչուներրի մասին, ովքեր փոխել են զբաղմունքը՝ նոր պայմաններին հարմարվելով: Պատմության ընթացքում էկրանի վրա հայտնվում է հայտնի բրենդի անվանումը, որի վերջում ավելացված են երկու տառ: 2. Մեկ րոպեից նշեք, թե ո՞ր բրենդի մասին է խոսքը։
Vemintel
22.10.2026
Պատասխան՝
1. Jeep: 2. Մի անգլիալեզու կատակի համաձայն, ընթրիքի ժամանակ թոռնիկը արժանանում է իր անտիսեմիտիստ պապի համակրանքին, այն բանից հետո, երբ նշում է, որ չի սիրում ԴԱ: Նշեք, թե ինչ իրականում չէր սիրում թոռնիկը: Ответ: Juice (Ջուս / Հյութ):
Նախորդ դարի 20-ականների գովազդում շարժվող գնացքը ընդգծում էր գոլորշու և արագության կապը: Իտալական ծագման բառով ճշգրիտ պատասխանեք, թե ինչ կարելի էր ստանալ գովազդվող սարքի օգնությամբ:
Vemintel
22.10.2026
Պատասխան՝
էսպրեսո
Մեկնաբանություն: Էսպրեսո պատրաստելու մեքենաները պատրաստման մյուս եղանակներից շահեկանորեն տարբերվում էին իրենց արագությամբ, որը ձեռք էր բերվում գոլորշու ճնշման շնորհիվ:
«Friday Night Comedy» ծրագրում պատմվեց, որ Մեծ Բրիտանիայի առողջապահության վարչությունը կմտցնի շաքարի սպառման հարկ: Ըստ հաղորդման, այս նախագծին, կարծես, աջակցեցին բոլոր բժիշկները, բացի ԴՐԱՆՑԻՑ: Գրեք ԴՐԱ ազգանունը:
Vemintel
22.10.2026
Պատասխան՝
Pepper.
Մեկնաբանություն: «Dr. Pepper»-ը գազավորված ըմպելիքների բրենդներից է, որոնք պարունակում են մեծ քանակությամբ շաքար:
«Լյուցիֆեր» սերիալում հիվանդանոցի աշխատակիցը գլխավոր հերոսին ասում է, որ ստիպված կլինի ԱՆԵԼ ԴԱ հիվանդին հարցաքննելու համար: Նշեք, թե ով է օգնում ԱՆԵԼ ԴԱ 14-րդ դարի ստեղծագործության հերոսին:
Vemintel
22.10.2026
Պատասխան՝
Վերգիլիոս:
Մեկնաբանություն: Աշխատակիցն ասում է, որ Լյուցիֆերը ստիպված կլինի անցնել դժոխքի 9 շրջաններով, որպեսզի խոսի հիվանդի հետ: «Աստվածային կատակերգությունում» Դանթեի ուղեկիցը դժոխքում Վերգիլիոսն էր:
Հայտնի կատակի համաձայն, եթե այդ գործողությունը կատարենք իտալացու հետ, նա չի կարողանա խոսել: ԽՍՀՄ-ում հայտնի երիտասարդ գիտնականը, կատարելով հակառակ գործողությունը, ստացավ հարված դեմքին: Անվանեք այդ գիտնականին:
Vemintel
22.10.2026
Պատասխան՝
Շուրիկ:
Մեկնաբանություն: ԴԱ ԱՆԵԼԸ ձեռքերը կապելն է. այդպես իրենց մասին ասում են հենց իտալացիները: Այն բանից հետո, երբ Շուրիկն արձակում է Նինայի ձեռքերը, աղջիկը ապտակում է նրան: Շուրիկը Կովկաս էր եկել որպես բանահավաք:
Ըստ մի կատակի, Ռուսաստանի ընդդիմության ամենակարևոր խնդիրն այն է, որ այն փորձում է խաղալ ԱՅԲ՝ ԲԵՆ-երի հետ: Նշեք, թե որ բառերն ենք փոխարինել ԱՅԲ-ով և ԲԵՆ-ով, հաշվի առնելով, որ ԲԵՆ-երը առաջին անգամ հանդես գալու իրավունք ստացան 1964 թվականի Տոկիոյում տեղի ունեցած Օլիմպիական խաղերում:
Vemintel
22.10.2026
Պատասխան՝
Շախմատ, ձյուդոիստներ:
Մեկնաբանություն: Ընդդիմության ներկայացուցիչ Գարրի Կասպարովը, ինչպես հայտնի է, շախմատիստ է, իսկ Պուտինը՝ ձյուդոիստ: Զարմանալի չէ, որ ձյուդոն առաջին անգամ հայտնվեց Օլիմպիական խաղերում Ճապոնիայում:
Մի վարկածի համաձայն, առաջինը դա արեց Առաջին համաշխարհային պատերազմի մասնակից մի անհայտ զինվոր: 1918 թվականին շվեյցարացի Ժան Շատնուն նույնպես կիրառեց այս նորույթը: Չնայած դրա և դրա ֆունկցիան կատարող ժամանակակից թվային տեխնոլոգիաների քանակն անընդհատ աճում է, բայց դրա առավելությունն ու առանձնահատուկ ոճը պարզ է բոլորիս համար: Երկու բառով նշեք, թե ինչի մասին է խոսքը:
Vemintel
22.10.2026
Պատասխան՝
Ձեռքի ժամացույց:
Կուբայում թողարկվել է նամականիշների շարք: Առաջինը, ամենացածր արժեքով, ունեցել է Ռույ դե Սեգուրայի դիմանկարը, երկրորդը՝ Ֆիլիդորինը: Նշեք, թե ովքեր են պատկերված երրորդ, չորրորդ և հինգերորդ նամականիշերի վրա պահելով հերթականությունը:
Vemintel
22.10.2026
Պատասխան՝
Ստեյնից, Լասկեր, Կապաբլանկա:
Մեկնաբանություն: Ֆիլիդորից կարելի է կռահել, որ նամականիշների վրա հայտնի շախմատիստներ են. տրամաբանական է, որ ամենաթանկի վրա կպատկերեն կուբացի Կապաբլանկային, իսկ երրորդ և չորրորդ նամականիշները մնում են հենց Կապաբլանկայից առաջ եղած երկու չեմպիոնների համար:
Մի անգամ, կատակասերները ֆրանսիացի դրամատուրգ Ալֆրեդ Ժարրիին տվեցին օղով լի մի բաժակ ջրի փոխարեն: Մտածելով, որ դա ջուր է, ժարրին խմեց ամբողջ բաժակը և նրա դեմքը այլայլվեց: Պատահարի պատճառով նրա ողջ օրը փչացավ: Նշեք, թե որ բառն ենք փոխարինել օղով, և ո՞ր բառը ջրով:
Vemintel
22.10.2026
Պատասխան՝
ջրով, օղիով:
Առաջին համաշխարհային պատերազմի ընթացքում Անգլիայի բանակի կապիտան Ուիլֆրեդ Նևիլին անհրաժեշտ էր զինվորների չորս գումարտակի հարձակում ղեկավարել: Հրամանը ավելի արագ կատարելու համար նա գնեց չորս նույնանման առարկա և հակառակորդի խրամատները նմանեցրեց և համեմատեց ԱՅԲի հետ, այսպիսով՝ մոտիվացնելով երիտասարդ անգլիացի զինվորներին: Երկու բառով նշեք ԱՅԲը:
Vemintel
22.10.2026
Պատասխան՝
Ֆուտբոլային դարպասներ:
Մեկնաբանություն: Յուրաքանչյուր դասակ ստացավ մեկական գնդակ, և առաջինը գերմանացիների խրամատ գնդակ խփողը պարգևատրվում էր: Այսպես նա օգտագործեց անգլիացիների սերը ֆուտբոլի հանդեպ՝ հաղթահարելու նրանց վախը թշնամու գերազանցող ուժերի նկատմամբ:
ԲԼԻՑ Հոգեբան Սվետլանա Մարլինսկայան իր աշխատության մեջ ներկայացրել է «ուժեղ սեռի տասը թույլ կողմերը», որոնցից երեքը կոչվել են հայտնի միապետների անուններով... (1. Դավիթ, 2. Նապոլեոն, 3. Ալեքսանդր)
Vemintel
22.10.2026
Պատասխան՝
1. Դավիթ 2. Նապոլեոն 3. Ալեքսանդր
Մեկնաբանություն: 1. Սինդրոմն իր անվանումն ստացել է Աստվածաշնչյան Դավիթ թագավորից, ով տաքանալու համար իր անկողին էր առնում երիտասարդ գեղեցկուհիների: 2. Նապոլեոնը, ինչպես և նշված բոլոր անձինք, ցածրահասակ էր: 3. Ալեքսանդր Մակեդոնացին հայտնի է իր նույնասեռ սիրով:
Մի հումորային պատմության դիպաշարում, բուժառուն այցելում է հոգեբանի և պատմում, որ իր ռուս հարևանի Իվանի ներսում, ապրում է Պոլինա անունով մի կին: Հոգեբանը հարցին, թե ինչո՞ւ այդ հարևանը չի փոխում իր սեռը, բուժառուն պատասխանում է, որ խնդիրը Պոլինայի ներսում ապրող Պավելն է: Նշեք, թե ինչ է բերում բուժառուն հոգեբանի մոտ, երբ վերջինս հանդիպում է խնդրում տարօրինակ հարևանի հետ:
Vemintel
22.10.2026
Պատասխան՝
Մատրյոշկա:
1920 թվականին վեցամյա Ջեքի Քուգանը Չարլի Չապլինի հետ նկարահանվեց «Փոքրիկը» ֆիլմում: Նշեք այն նվաճումը, որի շնորհիվ ֆիլմի պրեմիերայից հետո նրա անունը հայտնվեց Գինեսի ռեկորդների գրքում:
Vemintel
22.10.2026
Պատասխան՝
Ամենաերիտասարդ միլիոնատերը:
Հովհաննես Այվազովսկին իր բացառիկ տաղանդի շնորհիվ ԱՅԲ դարձավ արդեն իսկ 23 տարեկան հասակում: Նշեք, թե քանի՞ տարեկանում Այվազովսկին ԱՅԲ կդառնար, եթե ապրեր ներկայիս Հայաստանում:
Vemintel
22.10.2026
Պատասխան՝
63 տարեկանում:
Մեկնաբանություն: 23 տարեկանում Այվազովսկին դարձավ թոշակառու (կենսաթոշակառու): Ճիշտ է, ոչ սովորական թոշակառու, այլ Պետերբուրգի գեղարվեստի ակադեմիայի թոշակառու: Ժամանակակից Ռուսաստանում տղամարդիկ թոշակի են անցնում 60 տարեկանում (պետական ծառայողների համար՝ 65): Այս տուրում դուք անցաք ուղի ռահվիրաներից մինչև թոշակառուներ:
Ուդմուրտ փեսաները, հարսնախոսության գնալով հարևան գյուղեր, առաջնորդվում էին ժողովրդական իմաստությամբ, ըստ որի փեսայի և հարսնացուի ԴՐԱՆՔ չպետք է խառնվեին։ Անվանե՛ք ԴԱ-ն մեկ կարճ բառով:
Vemintel
17.04.2026
Պատասխան՝
Ծուխ:
Մեկնաբանություն: Սա արտահայտում է տոհմային էկզոգամիայի սկզբունքը, քանի որ հարևանությամբ բնակվում էին ազգականները, որոնց հետ ամուսնանալն արգելված էր:
Տարիքն առած աֆղան օդաչուն ասում է, որ իր համար միևնույն է՝ ում համար աշխատել, ռուսների, թե ամերիկացիների, և քանի՞ մուտք ունի ակը երկու, թե երեք: Վերականգնե՛ք այն բառը, որից մի քանի տառ ենք բաց թողել:
Vemintel
17.04.2026
Պատասխան՝
Վարդակ (ռոզետկա):
Մեկնաբանություն: Օդաչուն տեսել է և՛ Խորհրդային Միությունը Աֆղանստանում, և՛ ամերիկացիներին: Նա այնքան էր սիրում թռչել, որ այլ փոփոխություններ չէր նկատում, բացի նրանից, որ անգարի երկու մուտք ունեցող էլեկտրական վարդակները փոխարինել էին երեք մուտք ունեցողներով:
Ֆիլմի հերոսը դառնում է հանցագործության ականատես, բայց ոստիկանությունը չի հավատում նրան: Տեսարաններից մեկում հերոսը բարձրացնում է ռադիոաղմուկը բացատրելու համար, թե ինչպես է զգացվում ԱՅԲ-ը: Անվանե՛ք ԱՅԲ-ը հունական ծագում ունեցող բառով:
Vemintel
17.04.2026
Պատասխան՝
Շիզոֆրենիա:
Մեկնաբանություն: Հերոսը շիզոֆրենիկ է, որն ունենում է տեսողական և լսողական հալյուցինացիաներ:
Խոսելով վիկինգների անգլերենի վրա թողած ազդեցության մասին Մելվին Բրեգը նշում է, որ իր հետ դպրոցում սովորում էին Հարիսները, Ջոնները և Հյուիթները: Նշեք, թո ո՞ր տառերն ենք մի քանի անգամ բաց թողել հարցի տեքստում:
Vemintel
17.04.2026
Պատասխան՝
սոն (son - որդի)։
Մեկնաբանություն: Դանիացիները ազգանուններ էին կազմում հոր անվանը ավելացնելով «-son» (որդի) վերջածանցը։
Բյուզանդական կայսրությունում կարծում էին, որ մարդկանց բազմությունը, հավաքվելով միասին, չի կարող լավ որոշումներ կայացնել: ԱՅԴ բառը Բյուզանդիայում համարվում էր խառնաշփոթի հոմանիշ։ Երկու հունական արմատից կազմված բառով նշեք, թե ինչի մասին է խոսքը:
Vemintel
17.04.2026
Պատասխան՝
Ժողովրդավարություն (դեմոկրատիա):
Հումորային կոմիքսի հերոսը հերոսուհուն ասում է, որ Սուրբ Վալենտինի օրվա համար երկու հոգու համար սեղան է ամրագրել: Հաջորդ կադրում հերոսի ձեռքին կարելի է տեսնել գնդակ, իսկ մյուսում՝ ԴԱ: Անվանե՛ք ԴԱ մի քանի բառով:
Vemintel
17.04.2026
Պատասխան՝
Թենիսի ռակետ (սեղանի թենիսի ռակետ):
Գրող Էմիլի Բրոնտեն կարճ կյանք է ապրել: Նա գրեթե ընկերներ չուներ: Էմիլիի գլխավոր գործը՝ «Մոլեգին հողմերի դարավանդը» մռայլ վեպը, հայտնի դարձավ նրա մահից հետո: Գրականության դասախոս Դեբորա Մորսը պատմում է, որ Էմիլի Բրոնտեի կյանքին ու ստեղծագործությանը նվիրված դասերին ուսանողները իրենց հետ վերցնում են ոչ միայն տետրեր, այլև թղթե այլ իրեր: Նշեք, թե ինչի մասին է խոսքը:
Vemintel
17.04.2026
Պատասխան՝
Անձեռոցիկ
Մեկնաբանություն: Լաց էին լինում նրա կյանքը լսելիս
Մի սեքոնդ-հենդի գովազդի վրա կարելի է տեսնել հետևյալ գրությունը. «Մեզ մոտ ինչպես Ռոբինզոն Կրուզոյի մոտ, ամեն օր ԱՅԲ է»: Անվանե՛ք ԱՅԲ-ը երկու բառով:
Vemintel
17.04.2026
Պատասխան՝
Սև ուրբաթ:
Մուլտսերիալներից մեկում սիրահար զույգը վիճում և բաժանվում է: Երկխոսության վերջում աղջիկը նկատում է մի զվարճալի բան եթե վարդագույն ակնոց կրես, ապա ԱՅՍՊԻՍԻ ԴՐԱՔ երևում են որպես պարզապես ԴՐԱՆՔ: Նշեք ԱՅԴՊԻՍԻ ԴԱ։
Vemintel
17.04.2026
Պատասխան՝
կարմիր դրոշակ (red flag):
Հերթական պարտությունից հետո մամուլի ասուլիսի ժամանակ «Մանչեսթեր Յունայթեդի» մարզիչը նշեց, որ չի պատրաստվում հրաժարվել 3-4-3 դասավորությունից: Հաջորդ առավոտ երկրպագուները մարզադաշտի մոտ բերեցին ԴԱ՝ «միակ 343-ը, որն աշխատում է Մանչեսթերում» գրությամբ: Նշեք ԴԱ անգլիական ծագման բառով:
Vemintel
17.04.2026
Պատասխան՝
Ավտոբուս:
Ֆորմուլա-1-ի մրցավազքերից մեկի մարզումների ժամանակ Կառլոս Սայնսը ստիպված եղավ երկրորդ անգամ մտնել փիթ-ստոպ, քանի որ առաջին անգամ սովորության համաձայն անցել էր կողքով: Բանն այն է, որ մրցավազքից մի քանի ամիս առաջ Կառլոսը ԱՐԵՑ ԴԱ: Այսօրվա խաղի ընթացքում դուք չեք կարող ԱՆԵԼ ԴԱ: Նշեք, թե ինչ գործողության մասին է խոսքը:
Vemintel
17.04.2026
Պատասխան՝
Փոխել թիմը:
Մեկնաբանություն: Մտնելով փիթ-ստոպ Կառլոսը սովորության համաձայն գնացել էր իր նախկին թիմի բոքս, թեև ընթացիկ թիմի բոքսը գտնվում էր փիթ-լեյնի սկզբում: Ցավոք, խաղի ընթացքում դուք իրավունք չունեք փոխել թիմը:
Կուրիլյան Կունաշիր կղզու հարավային ափին զբոսավարները խորհուրդ են տալիս անջատել հեռախոսները, քանի որ հնարավոր է ԴՐԱ առկայությունը: Անվանե՛ք ԴԱ-ն անգլիցիզմով:
Vemintel
17.04.2026
Պատասխան՝
Ռոումինգ:
Մեկնաբանություն: Կունաշիրը շատ մոտ է Ճապոնիային (ուղիղ գծով մոտ 16 կմ), և նույնիսկ ճապոնական ռոումինգում հայտնվելու և գումար կորցնելու հավանականություն կա: Նաև պատմում են, որ լավ եղանակին երևում են Հոկայդո կղզու մայրուղու մեքենաները։
Ժամանակին, Եվրոպայում լինելով, Չեխովը ցանկացավ այցելել խաղատուն և դրա համար Նիցցայից մեկնեց Մոնտե Կառլո: Օրվա վերջում գրողը ուրախացավ, որ ԱՐԵԼ ԷՐ ԴԱ նախօրոք։ Մի քանի բառով նշեք, թե ինչ էր արել Չեխովը:
Vemintel
17.04.2026
Պատասխան՝
գնել էր հետադարձ տոմսը:
Հին Հռոմում շատ բժիշկներ իրենց հմտությունները հրապարակավ ցուցադրում էին։ Ըստ վարկածներից մեկի՝ Գալենն իր պրակտիկայում մտցրեց ԴԱ, որպեսզի, ի թիվս այլ բաների, իր ելույթներն ավելի վառ դարձնի, հաշվի առնելով հասարակության պահանջմունքնեևը: Անվանե՛ք ԴԱ երկու արմատ ունեցող բառով:
Vemintel
17.04.2026
Պատասխան՝
արյունահոսություն (ֆլեբոտոմիա):
Մեկնաբանություն: Հռոմում գլադիատորական մարտերը տարածված զվարճանք էին, իսկ Գալլենը փորձեց համադրել գիտությունը զվարճանքի հետ:
Գինեսի ռեկորդների գրքում ամենաերկար ԴԱ տևում է 58 ժամ: Այս ռեկորդը սահմանելու որոշ փորձեր սկսվել են փետրվարի տասներկուսին: Անվանեք ԴԱ։
Vemintel
17.04.2026
Պատասխան՝
համբույր:
Մարկ Մոֆետը նկարագրում է մրջյունների մի տեսակ, որոնք գլխին ունեն տարբեր երկարության մի քանի զույգ ելուստներ, որոնցով նրանք ոչ միայն որս են բռնում, այլև մանրացնում ու ուտում այն: Մոֆետն այդ գլուխը համեմատում է ԱՅԲԻ հետ: Պատասխանե՛ք երկու կամ երեք բառով ի՞նչ է ԱՅԲԸ:
Vemintel
17.04.2026
Պատասխան՝
շվեյցարական բանակային դանակ:
Շարժիչի թուլության պատճառով Փարիզի Համաշխարհային ցուցահանդեսում ցուցադրվող խորհրդային ռոբոտը մի գործողություն մինչև վերջ չէր կատարում: Այդ պատճառով ռոբոտը հատուկ ժողովրդականություն էր վայելում մի երկրի ներկայացուցիչների շրջանում, ինչը մեծ խնդիրներ ստեղծեց գյուտարարի համար: Անվանե՛ք այդ երկիրը:
Vemintel
17.04.2026
Պատասխան՝
Գերմանիա
Մեկնաբանություն: Շարժիչի թուլության պատճառով խորհրդային ռոբոտը ձեռքը մինչև վերջ չէր բարձրացնում, ուստի գերմանացի մասնագետները մոտենում էին նրա հետ լուսանկարվելու նացիստական ողջույնի ժեստով:
(Չակերտները չկարդալ) Տիմուր Վերմեշի վեպի սյուժեով Ադոլֆ Հիտլերը հայտնվում է մեր ժամանակներում: Վեպի դրվագներից մեկում «Հիտլերը» զբաղված է, և ստիպված ընտրում են «նոր ռայխսկանցելյարիա» տարբերակը: Նշեք, թե ինչ էր փորձում ստեղծել Հիտլեր այդ դրվագում:
Vemintel
17.04.2026
Պատասխան՝
էլեկտրոնային հաշիվ / էլ. հասցե / օգտահաշիվ / ակկաունտ
Մեկնաբանություն: Հիտլեր անունը, որպես հասցե նիքնեյմ զբաղված էր, հետևաբար Հիտլերը ընտրում է newreichscanchellehor@gmai.com էլ. հասցեն:
Այան Հեյթլին գրել է, որ ի տարբերություն ամերիկացի դաշնակիցների, 1950-ականների սկզբին բրիտանացիների կյանքն այնքան բարեկեցիկ չէր, որ մտածեին կյանքը վայելելու կամ դրանից հաճույք ստանալու մասին և Մեծ Բրիտանիայում մարդիկ դողում և գլորվում էին առանց դրա։
Նշեք, թե ինչի մասին է խոսքը։
Vemintel
26.05.2013
Պատասխան՝
Ռոքնռոլ
Մեկնաբանություն: Rock and Roll
Մեկ անգամ ամերիկացի գործարար Համմերը Լենինին նվիրեց մի քանդակ, որի վրա պատկերված կապիկը նստած էր Չարլզ Դարվինի աշխատությունների վրա և ուշադրությամբ զննում էր ձեռքում բռնած այբը։
Նշեք, թե աշխարհահռչակ ո՞ր ստեղծագործության ամենահայտնի հատվածն է հիշեցնում այդ գործողությունը։
Vemintel
26.05.2013
Պատասխան՝
«Համլետ»
Մեկնաբանություն: «Այբ»-ը մարդու գանգն է
<<ԴՐԱ էթիոլոգիան և բուժումը>> ծաղրակՆ հոդվածում, պրոֆեսոր Ջորդան Սմոլլերը նշում էր, որ ԴԱ բնութագրվում է թզուկությամբ և էմոցիոնալ անհավասարակշռությամբ, հաճախ նաև իմպուլսիվությամբ և անգրագիտությամբ։ Պրոֆեսորը գտնում էր, որ ԴՐԱ ամենաարդյունավետ բուժումը ժամանակն է, չնայած, որոշ մարդկանց դեպքում այդ խնդիրն անբուժելի է։
Նշեք, թե ինչի էթիոլոգիայի և բուժման մասին էր գրել Ջորդան Սմոլլերը։
Vemintel
26.05.2013
Պատասխան՝
Մանկություն
Մին դինաստիայի կառավարման շրջանում կայսրերը ազնվականներին ցուցաբերում էին ծայրահեղական վերաբերմունք, վերջիններիս նվիրելով կամ նոր պաշտոններ, կամ մետաքսե թել։ Մետաքսե թել ստանալու դեպքում ազնվականը պետք է աներ այն, ինչը պատիվ էր տարբեր ժամանակների ճապոնական մարտիկների համար, մեղք էր ըստ քրիստոնյաների, և կամքի ուժի դրսևորում, ըստ Լուցիոս Սենեկայի։
Նշեք, թե ինչ էր պարտավորվում անել մետաքսե թել ստացող ազնվականը։
Vemintel
26.05.2013
Պատասխան՝
Ինքնասպան լինել
Կատալոնական "Բարսելոնայի" լեգենդ Լեո Մեսսին, ով աչքի չի ընկնում բարձր հասակով, իսպանական լիգայի խաղերից մեկի ժամանակ հաջողությամբ շրջանցեց 4-3-3 մեկնարկային դասավորվածությամբ խաղացող հակառակորդի բոլոր պաշտպաններին և կիսապաշտպաններին։
Նշեք, թե ինչ ծաղրական վերնագիր ստացավ այդ խաղի վերլուծությունը իսպանական պարբերականներից մեկում։
Vemintel
26.05.2013
Պատասխան՝
«Թզուկն ու 7 սպիտակաձյունիկները»
Ըստ ավանդազրույցի, Էֆեսյան քրիստոնյա ճգնավորները քարանձավում թաքնվել էին իրենց հետապնդող հեթանոսներից շուրջ երկու դար, և զարթնել էին քրիստոնեական աշխարհում։
Աղոթքները, որոնցում հիշատակվում էին էֆեսյան ճգնավորները, արվում էին այդ խրոնիկ առողջական խնդրից ձերբազատվելու համար։
Նշեք, թե ինչով էին տառապում աղոթքի մեջ էֆեսյան ճգնավորներին հիշատակող հավատացյալները։
Vemintel
26.05.2013
Պատասխան՝
Անքնությամբ
Ֆիլմում, որի գործողությունները ընթանքւմ են 1990-ական թվականների Ռուսաստանում, հերոսներից մեկը դիմում է եգիպտական աստվածներին, դժգոհելով ներդրումներից, և խնդրելով ավելի շատ ներդրումների իր իքսի համար։
Նշեք իքսը մեկ բառով։
Vemintel
26.05.2013
Պատասխան՝
Բուրգ
Մեկնաբանություն: Խոսքը գնում է Սերգեյ Մավրոդիի և իր հայտնի ֆինանսական բուրգի՝ MMM-ի մասին
Ութերորդ դարում, Չինաստանում տեղի ունեցած քաղաքացիական պատերազմի արդյունքում, ըստ պալատականների հաշվարկների, զոհվել է շուրջ 36 միլիոն մարդ։
Որոշ պատմաբաններ համաձայն չեն այդ թվերի հետ, և կարծում են, որ 36.000.000-ով քչացել է իքսերի քանակը, քանի որ շատերը որոշել են լքել կայսրության կենտրոնական շրջանները, իսկ պալատականներից ոմանք ծույլ են և հաշվենկատ։
Նշեք իքսը երկարմատ բառով։
Vemintel
26.05.2013
Պատասխան՝
Հարկատու
Օտերերկրացի զբոսաշրջիկները Զիմբաբվեում ապշում էին այն բանից, որ սրճարաններում և ռեստորաններում այցելուները ագահաբար խժռում էին կերակուրը, աշխատելով հնարավորինս արագ փակել հաշիվը և դուրս գալ։
Նշեք, թե որ լատինական ծագման բառով էին տեղացիները բացատրում այդ երևույթը։
Vemintel
26.05.2013
Պատասխան՝
Ինֆլացիա
Գանդեր անունով իքսը, որ փրկել էր մի քանի կանադացի զինվորի կյանք 1941 թվականին, պարգևատրվել է Մարիա Դիկինի շքանշանով։ Գանդերը նաև քաղաք է իքսի արևելյան հատվածում։
Նշեք իքսը եռարմատ անգլերեն բառով։
Vemintel
26.05.2013
Պատասխան՝
Նյուֆաունդլենդ
Մեկնաբանություն: Տվյալ հարցում իքսը նյուֆաունդլենդն է, որը և շան ցեղատեսակի անվանում է, և կղզի Հյուսիսային Ամերիկայում (Newfoundland)
Հարցում կա փոխարինում։
Իտալական վեպերից մեկում, հեղինակը նկարագրում է "Աշխարհի Իններորդ Հրաշալիք" կոչվող բանտը, որում կաշառք վերցնելու մեղադրանով կալանավորված է ստեղծագործության հերոսներից մեկը։
Ո՞ր երեք իրար հաջորդող բառերն ենք փոխարինել հարցում։
Vemintel
26.05.2013
Պատասխան՝
«Դժոխքի Ութերորդ Շրջան»
Մեկնաբանություն: Դանթե, «Աստվածային Կատակերգություն», կաշառակերների շրջան
Պրուսիայի արքա Ֆրեդրիխ Երկրորդը ճաշի էր հրավիրել ֆրանսիացի մտավորական Վոլտերին։ Վերջինիս ուշանալու պատճառով զայրացած արքան վերցրեց կավիճը և պատի վրա գրեց "Առաջին ավանակ ֊ Վոլտեր"։
Նշեք այն երկու բառից կազմված գրությունը, որ թողեց Վոլտերը նույն պատի վրա, հաշվի առնելով, որ վերջինս չէր ցանկանում բանտ ընկնել։
Vemintel
26.05.2013
Պատասխան՝
Ֆրեդրիխ Երկրորդ
Իվ Սեն֊Լորանը խնդրեց իր աշխատակիցներին պատրաստել մի այնպիսի օծանելիք, որը կարժանանա անգամ Չինաստանի կայսրուհու՝ Ցի Սիի հավանությանը։ Հայտնի ֆրանսիացին ցանկանում էր, որ իր արտադրած օծանելիքը մեծ տարածում գտնի Չինաստանում, բայց այնուամենայնիվ, չէր ցանկանա, որ օծանելիքի արտահանման համար պատերազմներ մղվեն։
Նշեք, թե ինչպես այդ օծանելիքը անվանեց իրոնիայի սիրահար Իվ Սեն֊Լորանը։
Vemintel
26.05.2013
Պատասխան՝
Ափիոն
Ընդունելի է նաև՝ Օպիում
Մեկնաբանություն: Նկատի ունենալով Ափիոնային պատերզմները
1936 թվականին Խորհրդային Միությունում երեխաները դեռ լավ ծանոթ չէին ՆՐԱ հետ, ինչի պատճառով, մանկապարտեզներից մեկում ՆՐԱՆ շփոթեցին տարեց կոլտնտեսականի հետ։
Մեկ րոպեի ընթացքում նշեք, թե ում մասին է խոսքը։
Vemintel
26.05.2013
Պատասխան՝
Սանտա Կլաուս (Ձմեռ պապ)
Ավելի քան երկու հարյուր տարի առաջ, ռուսական ամսագրերից մեկում հրապարակվեց մի պատմություն, որում ներկայացվում էր կայսեր հանդիպումը մի աղջկա հետ, ով պատերազմի պատճառով կորցրել էր զինվորական հորը, և հանդիպման ժամանակ չէր ճանաչել կայսերը, պարզելով վերջինիս իսկությունը պալատում, հաջորդ օրը։
Նշեք, աղջկա հոր զինվորական կոչումը։
Vemintel
26.05.2013
Պատասխան՝
Կապիտան
Մեկնաբանություն: Խոսքը գնում է Ա․ Ս․ Պուշկինի «Կապիտանի Աղջիկը» ստեղծագործության մասին
Չելսիի մարզիչ Գրեմ Փոթերի նշանակումից հետո, երկրպագուներն ու լրագրողները սպասում էին խաղի որակի և արդյունքների արագ բարելավման։ Ընդգծելով կարճ ժամանակահատվածում նման արդյունքների հասնելու անհնարինությունը, Գրեմը նշեց, որ նա իքս չունի։
Նշեք իքսը երկու բառով։
Vemintel
26.05.2013
Պատասխան՝
Կախարդական փայտիկ
Թռիչքի ժամանակ հավելյալ ծանրությունը խնդրահարույց երևույթ է, բայց ամերիկյան NASA ընկերությունը, կարևորելով ազգային ավանդույթներն ու իր աշխատակիցների բարձր տրամադրությունը, այդ օրը տիեզերքում անցկացնող տիեզերագնացներին թույլատրում է իրենց հետ վերցնել երկրորդ հագուստ։
Մեկ րոպեի ըթացքում նշեք այդ օրվա ամսաթիվը։
Vemintel
26.05.2013
Պատասխան՝
հոկտեմբերի 31
Մեկնաբանություն: Halloween
Քրիստոնեական համայնքներից մեկը քաղաքապետարանից պահանջեց հեռացնել տիրանի արձանը, քանի որ այն վիրավորում է հավատացյալների զգացմունքները և հակասում է Սուրբ գրքին։
Մեկ րոպեի ընթացքում վերականգնեք և նշեք այն բառը, որը հարցում թողել ենք կիսատ։
Vemintel
26.05.2013
Պատասխան՝
Տիրանոզավր
Մեկնաբանություն: Սուրբ գրքում դինոզավրերի մասին հիշատակումներ չկան
Ինչպես մի շարք այլ ընկերություններ, Apple-ը ևս աշխատում էր նոր տեխնոլոգիական պրոյեկտի վրա, բայց Սթիվ Ջոբսի մահվան պատճառով, այդ ուղությամբ աշխատանքները չշարունակվեցին։
Չորս լատինական տառերով նշեք այդ պրոյեկտի անունը, հաշվի առնելով, որ նմանատիպ պատմություն հանդիպում է նաև հին հունական առասպելներում։
Vemintel
26.05.2013
Պատասխան՝
iCar
Մեկնաբանություն: Նկատի ունենալով Իկարի (Icar) առասպելը
Իքսը ստեղծողներից մեկը այնքան համոզված էր դրա կոմերցիալ հաջողության վրա, որ համաձայնվեց, որպես աշխատավարձ ստանալ սիմվոլիկ 140 սենթ ամեն ամիս։
Չնայած, եթե իքսը հիմնադրվեր ժամանակակից ստանդարտներին համապատասխան, կարելի է ենթադրել, որ հիմնադրի աշխատավարձը կրկնակի ավել կլիներ։
Մեկ րոպեի ընթացքում նշեք իքսը։
Vemintel
26.05.2013
Պատասխան՝
Twitter
Մեկնաբանություն: Twitter (X) հարթակում նիշերի թույլատրելի քանակը ամեն հրապարակման համար հավասար էր 140-ի։ Հետագայում թիվը կրկնապատկվեց։
Միջնադարում ճապոնացի արիստոկրատները թևքում կրում էին կայսի՝ փոքրիկ թերթիկ, որպեսզի հարմար պահին պատրաստեին օրիգամի։
Նշեք, թե որ բառակապակցությունն ենք փոխարինել հարցում։
Vemintel
26.05.2013
Պատասխան՝
Գրեին հոկկու
Ընդունելի է նաև՝ Գրեին տանկա, գրեին բանաստեղծություն և այլն
Ծագումով կենտրոնական Եվրոպայից մի տղամարդ, իր ստեղծածի օգտագործման մասին խոսում էր հետևյալ այլաբանությամբ.
Եթե դու մոլորվել ես, վերադարձը գտնելու վրա կծախսես ավելի շատ ժամանակ, չնայած, կա կորցրածդ ճանապարհը գտնելու հստակ ուղի։
Նշեք այդ մարդու ազգանունը։
Vemintel
26.05.2013
Պատասխան՝
Ռուբիկ
Մեկնաբանություն: Նրա հայտնագործությունն է Ռուբիկի խորանարդը
Անգլիացի պոետ Ջոն Մալթոնի անձնական կյանքը հարուստ էր փոփոխություններով և դրամաներով։ Առաջինից հետո նա գրեց "Կորցրած Դրախտը" հայտնի պոեմը։ Երկրորդից հետո գրեց մեկ այլ հայտնի պոեմ՝ "Ձեռք Բերած Դրախտը"։
Նշեք այդ երկու իրադարձությունները համապատասխան հաջորդականությամբ։
Vemintel
26.05.2013
Պատասխան՝
Ամուսնություն, ամուսնալուծություն
Խաղաղ օվկյանոսում անցկացրած նավարկություններից մեկի ժամանակ, նավաստի Կուբոյաման զարմացավ նրանից, որ երկրորդը հայտնվեց 7 րոպե ուշ, քան առաջինը։
Անվանեք առաջինը և երկրորդը համապատասխան հերթականությամբ։
Vemintel
26.05.2013
Պատասխան՝
լույս, ձայն
Մեկնաբանություն: Նա ձուկ էր որսում 1945 թվականի օգոստոսին։ Իր աշխատանքի ընթացքում ԱՄՆ-ը ռմբակոծեց Ճապոնիային։ Միջուկային հարվածի լույսը շատ ավելի շուտ հասավ ճապոնացի ձկնորսին, քան ձայնը։
Կայսր Սաո֊Ցզուն կոչ էր անում վերցնել լավագույնը ամեն ինչից, և զարգացնել ուղեղը առաջինի, կառավարել մարմինը երկրորդի և ևառավարել աշխարհը երրորդի միջոցով։
Տարբեր կրոնական հայացքներ ունեցող պալատականները կայսեր կոչը փոխում էին իրենց հայացքներին համապատասխան ձևով։
Մեկ րոպեի ընթացքում նշեք առաջինը, երկրորդը և երրորդը ցանկացած հերթականությամբ։
Vemintel
26.05.2013
Պատասխան՝
Բուդդիզմ, դաոսիզմ, կոնֆուցիոսականություն
Աֆրիկական հեքիաթի հերոսը խնդրում է Աստծուն, որ իր հաճախած ցանկացած վայր պատկանի իրեն կամ համահունչ լինի իր հետ։
Մեկ րոպեի ընթացքում նշեք հեքիաթի հերոսին։
Vemintel
26.05.2013
Պատասխան՝
Քամելեոն
Երկու արհեստավարժ շախմատիստների սկանդալային խաղից հետո, շախմատային փորձագետը կազմեց նրանց խաղերի վիճակագրությունը։ Ըստ վիճակագրությոն, խաղերի շուրջ 50 տոկոսը ավարտվել էր ոչ֊ոքի, մնացած խաղերը ավարտվել էի երկու կողմերից մեկի հաղթանակով։
Նշեք, թե ըստ այդ վիճակագրության, ինչո՞վ էին ավարտվել այդ բոլոր խաղերի 99 տոկոսը։
Vemintel
26.05.2013
Պատասխան՝
Ձեռքսեղմում
Մեկնաբանություն: Շախմատիստները հանդիպումն ավարտում են ձեռքսեղմումով, բայց վերջին մրցավեճում նրանց մեձ թեժ կոնֆլիկտ էր հասունացել
Հայտնի կինոնկարում Լյուդովիկոս արքան բողոքում է, որ իր նավատորմը շատ թույլ ու անպաշտպան է, և չի կարող դիմակայել հակառակորդի զինվորների ճնշմանը։
Նշեք, թե ի՞նչ գործողություն է նրան խորհուրդ տալիս կարդինալը։
Vemintel
26.05.2013
Պատասխան՝
Փոխատեղում
Մեկնաբանություն: Շախմատային սկզբունքով
Մուսլիմ Մագոմաեվը այնքան հայտնի և սիրված էր, որ իր անունը ավելի հաճախ էր լսվում, քան ազգանունը, երբ դրանք արտասանվում էին միասին։
Նշեք, թե հիմնականում որն էր նրա ազգանվան չլսվելու պատճառը։
Vemintel
26.05.2013
Պատասխան՝
Պատասխան (Լրացնել այստեղ)
Մեկնաբանություն: Ծափահարություններ
Պատմակավեպում նկարագրվում է, թե ինչպես են իրենց տները կորցրած մարդկանց մարդիկ սպիտակած թվացող մազերով փախչում քաղաքներից։
Մեկ րոպեի ընթացքում նշեք այն երեք քաղաքներից յուրաքանչյուրը, որոնցից փախչում էին այդ մարդիկ։
Vemintel
26.05.2013
Պատասխան՝
Հերկուլանիում, Ստաբիի, Պոմպեյ
Մեկնաբանություն: Խոսքը գնում է Պոմպեյի հրաբխի ժայթքման մասին
Ամերիկյան սերիալում կոլումբիացի տղան համեմատում էր իր կենսաբանական հորը հայտնի սհերոսի հետ։ Տղայի խորթ հայրը հեգնանքով ասում էր. "Քո հոր և նրա միակ ընդհանրությունը այն է, որ երկուսն էլ կարծես այս մոլորակից չեն և Միացյալ Նահանգներում հայտնվելն են անլեգալ ճանապարհով"։
Նշեք, թե որ հերոսի հետ էր համեմատում իր հորը կոլումբիացի տղան։
Vemintel
26.05.2013
Պատասխան՝
Սուպերմեն
Մեկնաբանություն: Սերիալում որդին իր հորը համեմատում է սուպերհերոսի հետ։ Ինչպես հայտնի է, Սուպերմենը Երկրի վրա հայտնվել է Կրիպտոն մոլորակից, տիեզերանավի վթարի արդյունքում։
Անցյալ դարի ութսունական թվականներին Իրաքի Մոսուլ շրջանում այդ երևույթի շնորհիվ զարգացնում էին էներգետիկ ոլորտը։ 2018 թվականին նույն շրջանում ԴՐԱ շնորհիվ արվել են հնագիտական բացահայտումներ։ Ռեդիարդ Կիպլինգի հայտնի ստեղծագործություններից մեկում այդ երևույթը հանգեցրեց խաղաղության և համերաշխության։
Նշեք, թե ինչի մասին է խոսքը։
Vemintel
26.05.2013
Պատասխան՝
Երաշտ
Մեկնաբանություն: Երաշտի արդյունքում Տիգրիս գետի հունում նկատվեցին հնագույն քաղաքի ավերակները։ Կիպլինգի հայտնի ստեղծագործությունը «Մաուգլի»-ն է, որում կենդանիները համերաշխություն են կնքում երաշտի պատճառով։
Խորհրդային սերիալում բժիշկը իր խնդիրների մասին չգանգատվող հիվանդին ախտորոշում նշանակելիս, կատակով ինքն իրեն համեմատում է նրա հետ։
Մի ծաղրանկարում, նրա մոտ հերթագրված են աշխարհի լավագույն ֆուտբոլիստները և կնոջ կողմից խաբված տղամարդիկ։
Մեկ րոպեի ընթացքում նշեք նրա մասնագիտությունը։
Vemintel
26.05.2013
Պատասխան՝
Անասնաբույժ
Մեկնաբանություն: Անասնաբույժը չի կարող գանգատներ լսել իր բուժառուների կողմից։ Նշված անձիք ներկայացված էին այծերի տեսքով։ Լավագույն ֆուտբոլիստներին անգլերենով անվանում են GOAT (այծ), ինչը նշանակում է Greatest of All Times
Մի ծաղրանկարում պատկերված է, թե ինչպես է ֆուտբոլային ակումբ "Լիվերփուլ"֊ը հաղթում աշխարհի ամենահարուստ ակումբներից մեկին՝ "Մանչեսթեր Սիթիի"֊ին, և հաջորդ խաղում պարտվում "Նոթթինգհեմ Ֆորեսթ"֊ին։
Նշեք, թե ու՞մ կերպարով է պատկերված "Լիվերփուլի" մարզիչը այդ ծաղրանկարում։
Vemintel
26.05.2013
Պատասխան՝
Ռոբին Հուդ
Մեկնաբանություն: Միավորներ է վերցնում հարուստներից և դրանք բաժանում է աղքատներին
Գենետիկ հակվածությունը, որը դրսևորվում է դրանց բացակայությամբ, կոչվում է էմիգրանտի սպասման սինդրոմ։
Երկու արմատից կազմված բառով նշեք, թե ինչերն են բացակայում այդ առանձնահատկությունն ունեցոզ մարդկանց մոտ։
Vemintel
26.05.2013
Պատասխան՝
Մատնահետք
Մեկնաբանություն: Մատնահետքի բացակայությունը՝ ադերմատոգլիֆիան իսկական գլխացավանք է սահմանը հատող մարդկանց համար
1860֊ական թվականներին գեղանկարչության ակադեմիկոս Ադոլֆ Շառլեմանը մի կազմակերպության պատկերով ստեղծեց "վերածննդի դարաշրջան" անվամբ նկարների շարք, որը կազմված էր 8 տղամարդու ու 4 կնոջ պատկերից։ Դուք ամենայն հավանականության տեսել եք այդ նկարները։
Նշեք, թե ինչերի վրա են դրանք պատկերված։
Vemintel
26.05.2013
Պատասխան՝
Խաղաթղթեր
Խոսելով այդ խմբի մասին, կարելի է ասել, որ այն ամենատարածվածն է աշխարհում։ Այդ խմբին պատկանում են այնպիսի հայտնի մարդիկ, ինչպիսիք են Ռինգո Սթարը, Փոլ Մաքարթին, Միկ Ջագերը և իհարկե Վիկտոր Ցոյը։
Նշեք, թե որ խմբի մասին է խոսքը։
Vemintel
26.05.2013
Պատասխան՝
Առաջին
Մեկնաբանություն: Խոսքը գնում է արյան առաջին խմբի մասին
Նկարագրելով Մանազկերտի ճակատամարտը, Այզեկ Ազիմովը համեմատում էր բյուզանդացիներին գրեթե շրջափակած սելջուկ֊թյուրքերի զորքը x-ի հետ։
Նշեք իքսը մեկ բառով։
Vemintel
26.05.2013
Պատասխան՝
Կիսալուսին
Ռուսաստանի Դաշնության նախագահ Վլադիմիր Պուտինը այցերից մեկի ժամանակ հարգանքի տուրք մատուցեց այդ երկրի հայտնի քաղաքական գործիչներից մեկի հիշատակին, անվանելով նրան "իր ժողովրդի արժանի զավակ"։
Նշեք, թե որ երկիր էր այցելել Պուտինը, հաշվի առնելով, որ իր կիրառած արտահայտությունը հակասում էր այդ գործչի անվանը։
Vemintel
26.05.2013
Պատասխան՝
Թուրքիա
Մեկնաբանություն: Թուրքերը Մուսթաֆա Քեմալին անվանում են Աթաթուրք՝ «թուրքերի հայր»
Ըստ Կոնստանտին Մելիխանի, առաջինը ինքնաբերաբար զարգացող հիվանդություն է։
Բորիս Ստրուգացկին երկրորդը անվանում է վախի արտազատում։
Նշեք առաջինը և երկրորդը, հաշվի առնելով, որ նրանց միջև հեռավորությունը միջինում 70 սմ է։
Vemintel
26.05.2013
Պատասխան՝
Սեր և ատելություն
Մեկնաբանություն: «Սիրո և ատելության մեջ ընդամենը մեկ քայլ է»
Ռուսախոս Սերգեյ Էյնզեյնշթեյնին ճապոներենը դժվարությամբ էր տրվում։ Որոշ բառեր նա սովորում էր ասոցիացիայի սկզբունքով։ Օրինակ, սենեկա բառը, որը թարգմանաբար նշանակում էր մեջք, նա ասոցացնում էր հռոմեացի փիլիսովա Սենեկայի անվան հետ։
Նշեք, թե ու՞մ անունն էր երբեմն հիշում Սենեկայի փոխարեն, նույն բառը թարգմանելիս։
Vemintel
26.05.2013
Պատասխան՝
Սպինոզա
Մեկնաբանություն: Օգտագործելով բառի ռուսերեն տարբերակը (սպինա), նա մտաբերում էր մեկ այլ փիլիսոփայի՝ Բենեդիկտ Սպինոզային
Չնայած, իր կարճ հասակին Լիոնել Մեսսին մեր ժամանակների լավագույն ֆուտբոլիստներից մեկն է։ Շատերը նրան համարում են արգենտինական ֆուտբոլի արքա, Դիեգո Մարադոնայից հետո։
Հայտնի ռուսական պարբերականի լրագրողներից մեկը Մեսսիին նվիրված իր հոդվածը անվանել է համաշխարհայի գրականության գոհարներից մեկի վերնագրով։
Նշեք հոդվածի վերնագիրը։
Vemintel
26.05.2013
Պատասխան՝
"Փոքրիկ իշխանը"
իլ Արմսթոնգի մահվանից հետո համացանցում տարածվեց նրա հիշատակին նվիրված մի նկար, որում Նիլ Արմսթրոնգը պատկերված էր 1958 թվականին ծնված հայտնի մարդու հետ։
Նշեք, թե ով էր պատկերված նկարում Նիլ Արմսթրոնգի հետ, հաշվի առնելով, որ նկարի անվան մեջ երկուսն էլ կրում էին նույն մականունը։
Vemintel
26.05.2013
Պատասխան՝
Մայքլ Ջեքսոն
Մեկնաբանություն: Նկարի անունն էր՝ "Goodbye Moonwalkers"։ Արմսթրոնգը քայլել էր Լուսնի վրա, իսկ Ջեքսոնը հայտնի էր իր «Լուսնային քայլվածք» պարային շարժումով։
Անգլիացի պրոֆեսոր Ռոգան Թեյլորը համարում է, որ առաջինը ավելի նման է կյանքին, քանի որ դրանում հազվադեպ երջանկության պահերը ուղեկցվում են մշտական պայքարով և բարդություններով, իսկ երկրորդը առաջինի չափ տարածված չէ, քանի որ կյանքում ամեն րոպե տոնելու առիթ չի լինում։
Պաշտոնական տվյալների համաձայն, առաջինը ստեղծվել է երկրորդից շուրջ 30 տարի առաջ։
Նշեք առաջինը և երկրորդը համապատասխանաբար
Vemintel
26.05.2013
Պատասխան՝
Ֆուտբոլ, բասկետբոլ
Պրահայի ձախափնյա հատվածը տեղակայված է բլրի վրա, և ավելի բարձր է աջափնյա հատվածից։
Ըստ ճամփորդներին ուղեկցող մի գիդի, ձախ ափի հիմնական խնդիրը առաջինն է, աջ ափինը՝ երկրորդը։
Ալեքսանդր Լիտվինովի երգերից մեկում առաջինի դեմ պայքարողները կազմակերպեցին երկրորդը։
Նշեք առաջինը և երկրորդը համապատասխանաբար։
Vemintel
26.05.2013
Պատասխան՝
Հրդեհ, ջրհեղեղ
Զրույցի ժամանակ Միխայիլը Յուրիին ասաց. "Դու ևս մեկ անգամ գրավեցիր մոլորակի բոլոր մարդկանց սրտերը մեր ռուսական կամքով ու տոկունությամբ, բայց դու շուրջ 300 կիլոմետր ավել բարձրացար, քան դա արել էինք մենք"։
Նշեք, թի ինչի՞ վրա էր բարձրացել Միխայիլը։
Vemintel
26.05.2013
Պատասխան՝
Ռեյխստագ (Միխայիլ Եգորեվ)
Ամերիկացի Հենրի Սթիմսոնը մեղրամիսը անցկացրել է Կիոտոյում։
Հնարավոր է, որ Կիոտոյի մշակույթային արժեքներին ծանոթ լինելը հիմք հանդիսացավ հետագայում այդ քաղաքը շատ կարճ մի ցուցակից ջնջելու համար։
Նշեք վերջնական ցուցակում նշված տարբերակներից առնվազն մեկը։
Vemintel
26.05.2013
Պատասխան՝
Կոկորու, Նիիգատա, Նագասակի, Հերոսիմա
Հարցի հեղինակը ռեստորաններից մեկում չհավանեց հայտնի ուտեստը, և առաջարկեց փոխել դրա անունը "Կլավդիոս"։
Նշեք, մատուցված ուտեստի անվանումը։
Vemintel
26.05.2013
Պատասխան՝
Կեսար
19֊րդ դարի կեսերին ֆրանսիացի Շառլ Լետելյեն փորձքւմ էր ստեղծել ունիվերսալ լեզու, որում բոլոր բառերը կազմված էին պարզ տրամաբանական կանոններով։ Այսպիսով "aboje" բառը այդ լեզվքւմ նշանակում էր կատու, "aboj" նշանակում էր կատվազգիների ընտանիքին պատկանող կենդանի։ Օրինակ, ձիազգիների ընտանիքին պատկանող կենդանիները անվանվում էին "abiv":
Մեկ րոպեի ընթացքում թարգմանեք Լետլյեի ստեղծած լեզվից "abo", "ab" և "a" բառերը համապատասխանաբար։
Vemintel
26.05.2013
Պատասխան՝
Abo - գիշատիչ
Ab ֊ կաթնասուն
A ֊ կենդանի
Ֆելիքս Կրիվինը ասում էր, որ վատ ամուսինը նա է, ով վեճի ժամանակ իքսը սիրում է կնոջից ավել։
Նշեք իքսը առնվազն մեկ բառով։
Vemintel
26.05.2013
Պատասխան՝
Ճշմարտություն
Խորհրդային Հայաստանի զինանշանը քննադատության էր արժանացել թուրքական իշխանությունների կողմից, քանի որ զինանշանի վրա պատկերված Արարատ լեռը գտնվում էր Թուրքիայի տսրածքում։
Ի պատասխան թուրքական իշխանությունների խիստ նկատառումներին, ԽՍՀՄ արտ. գործ. նախարար Չիչերինը նշեց մեկ այլ օբյեկտ, ինչից հետո թուրքական իշխանությունները դադարեցին քննադատել ՀԽՍՀ զինանշանը։
Նշեք, թե ինչի՞ մասին էր խոսել Չիչերինը։
Vemintel
26.05.2013
Պատասխան՝
Լուսին
Համաձայն վիքիպեդիայի՝ վայրի բնության պայմաններում դրանք ապրում են քսանից երեսուն տարի, իսկ կենդանաբանական այգում դրանց կյանքի տևողությունը հասնում է քառասունի։
Ըստ լրատվական կայքերից մեկի քաղաքային պայմաններում դրանք ապրում են շուրջ 6 ամիս։
Նշեք, թե ինչի՞ մասին է խոսքը։
Vemintel
26.05.2013
Պատասխան՝
Զեբրա
Չնայած շաքարային դիաբետին և վնասակար սովորություններին, Լուի Վաշկանսինը շատ ամրակազմ էր և առողջ, իսկ ավտովթարի հետևանքով մահացած Դենիս Դերվալը փոքրամարմին, 25 ամյա աղջիկ էր, ինչի պատճառով էլ իր կատարած աշխատանքից հետո Քրիստիան Բերնարդին հարցրեցին "մի՞թե կարող է Վոլկսվագեն Բզեզի շարժիչը աշխատել Ջիպի շարժիչի նման"։ 2 բառով նշեք, թե ի՞նչ աշխատանք էր կատարել Քրիստիան Բերնարդը։
Vemintel
26.05.2013
Պատասխան՝
Սրտի փոխպատվաստում
1923 թվականին Գերմանիայում երեխաները թռցնում էին հսկայական օդապարուկներ։
Նշեք, թե ինչից էին պատրաստված օդապարուկները, հաշվի առնելով, որ նույնը անելը անտրամաբանական կլիներ, օրինակ, Միացյալ Նահանգներում կամ Մեծ Բրիտանիայում։
Vemintel
26.05.2013
Պատասխան՝
թղթադրամներից (մեծ ինֆլացիա)
Նա ունի ավելի շատ կոշիկներ, քան Իմելդա Մարկոսը։ Ունի ավելի շատ զգեստներ, քան ցանկացած ֆոտոմոդել։ Փոխում է իր արտաքինը ավելի հաճախ, քան Մադոննան։
Ծնված լինելով 1933 թվականին, ամուսնացել է ծնվելուց 2 տարի անց, բայց շարունակում է մնալ հարսնացու։
Նա ունի շատ բարեկամներ, ընկերներ և ընտանի կենդանիներ։
Մեկ րոպեի ընթացքում նշեք, թե ում մասին է խոսքը։
Vemintel
26.05.2013
Պատասխան՝
Բարբի տիկնիկ
Ըստ Մայքլ Հարթի "Պատմության 100 ամենաազդեցիկ անձինք" հայտնի աշխատության, պատմության երրորդ ամենաազդցիկ կերպարը Հիսուս Քրիստոսն է, քանի որ քրիստոնեությունը ամենատարածված կրոնն է աշխարհում, և միլիարդավոր մարդիկ ամեն օր աղոթում են և պարբերաբար եկեղեցի գնում։ Նույն վիճակագրության համաձայն, պատմության ամենաազդեցիկ կերպարը Մուհամմեդ մարգարեն է, ում քարոզներն ու պատվիրանները մինչև օրս օրենք են միլիոնավոր մարդկանց համար։
Նշեք, թե ո՞վ է երկրորդ ամենաազդեցիկ մարդը, հաշվի առնելով, որ վերջինիս չեն սրբացնում, բայց նրա օրենքներին ենթարկվում են բոլորը առանց բացառության։
Vemintel
26.05.2013
Պատասխան՝
Իսահակ Նյուտոն
Մեծ Բրիտանիայի վարչապետ Մարգարետ Թեթչերը ընտրությունների ժամանակ անընդհատ հիշեցնում էր քաղաքական թիմակիցներին, որ "ընդդիմությունը չի հաղթում ընտրությունները, այլ..."
Մեկ րոպեի գրեք արտահայտության շարունակությունը։
Vemintel
26.05.2013
Պատասխան՝
Պարտվում է իշխանությունը
Ուշադրություն, հարցում կա փոխարինում։
1961 թվականի օգոստոսի 14֊ին, ծեր կինը մայրաքաղաքային մետրոյոկայանում հարցնում է աշխատակցին, թե ե՞րբ է հաջորդ գնացքը ուղևորվելու դեպի Հարավային Թեհրան։ Աշխատակիցը պատասխանում է "գնացքներն այլևս երբեք այդ ուղղությամբ չեն մեկնելու"։
Նշեք, թե ո՞ր բառակապակցությունն ենք փոխարինել "Հարավային Թեհրան"֊ով
Vemintel
26.05.2013
Պատասխան՝
Արևմտյան Բեռլին
Շուրջ 2600 տարի առաջ ապրած այդ կերպարի մասին մեզ շատ քիչ տեղեկություն է հայտնի։ Այնուամենայնիվ, մեծանուն գրողը իր վեպերից մեկում նրան է վերագրել իր կողմից գրված մի շարք թևավոր խոսքեր և արտահայտություններ։
Օրինակ, "Բժիշկ, միայն քեզ բուժելուց հետո կարող ես բուժել հիվանդիդ" կամ "Մեզ ավանդվել է ոչ միայն հազարամյակների գիտակցությունը, այլ նաև նրանց խելագարությունը"։
Մեկ րոպեի ընթացքում նշեք հայտնի ստեղծագործության անունը։
Vemintel
26.05.2013
Պատասխան՝
"Այսպես Խոսեց Զրադաշտը"
Մեկ անգամ Սպարտայի արքա Ագելասին ցույց տվեցին նորակառույց, հսկայական ամրությունը, ինչը տեսնելուց հետո արքան արտահայտեց իր հիացմունքը, բայց նշեց, որ այն պետք է պաշտպանի միայն այն քաղաքը, որտեղ ապրում են իքսերը, բայց ոչ իգրեկները։
Նշեք հարցում փոխարինված իքսը և իգրեկը համապատասխան հերթականությամբ։
Vemintel
26.05.2013
Պատասխան՝
Կանայք և տղամարդիկ
19֊րդ դարի սկզբին Ամերիկայում տարածված լեգենդը թղթին հանձնվեց 1919 թվականին։ Ավելի ուշ, լեգենդը դարձավ աշխարհահռչակ ի շնորհիվ կինոպրոդյուսեր Դուգլադ Ֆերբենքսի, ով էլ ստեղծել էր գլխավոր հերոսի հայտնի սիմվոլը։
Վերջին շրջանում այդ սիմվոլը ընկալվում է, որպես ագրեսիայի նշան։
Մեկ րոպեի ընթացքում նկարեք սիմվոլը։
Vemintel
26.05.2013
Պատասխան՝
Z (Զորրո)
Միացյալ Նահանգների զինված ուժերի կադրերի ընտրման հանձնաժողովի անդամ Ջո Բոնդը, իր ստորաբաժանումները համալրել ցանկացող զինվորականներին նախ և առաջ հարցնում է. "Կարո՞ղ եք քնել մի սենյակում ուր պատուհաններ չկան"։
Նշեք, թե զինված ուժերի ո՞ր ստորաբաժանումների համար է կադրեր ընտրում Ջո Բոնդը։
Vemintel
26.05.2013
Պատասխան՝
Ստորջրյա նավատորմ
Մի կովկասյան հեքիաթում վեզիրը խորհուրդ է տալիս շահին մաս֊մաս անել մեղադրյալ Ահմեդին։ Վերջինս եզրակացնում որ վեզիրի հայրը իքս է։
"Քյոռօղլու" էպոսի հերոսներից Էյվազը նույնպեդ իքս է, ինչի համար էլ գլխավեր հերոսը Էյվազին շահագրգռելու նպատակով հովիվ է ձևանում։
Նշեք իքսը մեկ բառով։
Vemintel
26.05.2013
Պատասխան՝
Մսագործ
Հոգեբանները հաշվարկել են նյարդայի էներգիայի միավորների կորուստը այս կամ այն ծանր հոգեբանական սիտուացիաներում։
Ասպիսով՝ փոքր վեճերը գնահատվում են 10 ֊15 միավոր, բաժանությունը՝ 70, ընկերոջ մահը՝ 100 և այսպես շարունակ։
Մեկ բառով նշեք այն, ինչին կարող է հանգեցնել ընդհանուր միավորների 700֊ից ավել լինելը։
Vemintel
26.05.2013
Պատասխան՝
Ինքնասպանություն
Մամոնտներն ունեն առանձնահատուկ անատոմիական կառուցվածք։ Դրանց գանգի կենտրոնում նկատվում է հսկայական անցք, որը ծառայում է որպես քթի խոռոչ, իսկ աչքերի համար նախատեսված անցքերը շատ փոքր են և տեղակայված են քթանցքից կողմնայնորեն։
Ուշադրություն հարցը՝
Ըստ գիտնականների, ո՞ր առեղծվածային արարածներին են վերագրվել Սիցիլիայում գնտված մամոնտի գանգերը, ելնելով վերը նշված կառուցվածքային առանձնահատկություններից։
Vemintel
26.05.2013
Պատասխան՝
Կիկլոպներ
Հայտնի է, որ Ֆրանսիայի արքա Լյուդովիկոս XIII-ի որդին՝ Լյուդովիկոս XIV֊ը ուներ 300 x, որոնք պատրաստված էին արծաթից։ Նապոլեոն Բոնապարտի որդի Ժոզեֆ Ֆրանսուա Շառլ Բոնապարտը ուներ հարյուր յոթանասուն х, պատրաստված մաքուր ոսկուց։ Պետրոս III-ի х-երն էլ հիմնականում պատրաստված էին փայտից կամ կապարից։
Նշեք, թե ինչի՞ց էր պատրաստված այն x-ը, որի մասին հայտնի դանիացին գրել էր 1838 թվականին։
Vemintel
26.05.2013
Պատասխան՝
Անագ
Մեկնաբանություն: Խոսքը գնում է Անդերսենի «Անագե Տոկուն Զինվորիկը» ստեղծագործության մասին
Բրիտանական փաբում, որի այցելուները հիմնականում կաթոլիկներ էին, հարցի հեղինակը նկատում է 26+6=1 գրությամբ պաստառ։
Բրիտանական կայսրության ո՞ր շրջանում էր գտնվում այդ փաբը։
Vemintel
26.05.2013
Պատասխան՝
Հյուսիսային Իռլանդիա
Տյումենի դրամատիկական թատրոնի աստիճանների վրա գրված էին թատրոնում բեմադրված նշանավոր պրեմիերաների անունները, բացի վերին աստիճանից։
Հայերեն մեկ, ռուսերեն երկու կամ անգլերեն երեք բառով նշեք, թե ինչ էր գրված վերին աստիճանի վրա։
Vemintel
26.05.2013
Պատասխան՝
"Շարունակելի" "Продолжение Следует" "To Be Continued"
17֊րդ դարում ապրող հացթուխ Թոմաս Ֆերրինորը ամենևին էլ չէր ցանկանում փառքի արժանանալ և հիշվեր սերունդների կողմից, բայց մի գիշեր նրա անփութությունը հանգեցրեց մինչև օրս հիշվող մի իրադարձության, որը խլեց բազմաթիվ մարդկանց կյանքեր։
Նշեք այն մարդու անունը, ով նույնը արել էր փառավորվելու նպատակով Ֆերրինորից շուրջ 20 դար առաջ։
Vemintel
26.05.2013
Պատասխան՝
"Հերոստրատ"
Մեկնաբանություն: Խոսքը գնում է 1666 թվականի Լոնդոնի հրդեհի մասին, իսկ Հերոստրատը Ք․ա․ 356 թվականին փառքի արժանանալու մտադրությամբ այրել էր Արտեմիսի տաարը Եփեսոսում
Նկարագրելով Ջեյմս Կուկի երկարատև շուրջերկրյա ճանապարհորդությունները, Ալիստեր Մաքսլին համեմատում էր ճանապարհորդի նավը մի օբյեկտի հետ, որը մեկ այլ հայտնի գրողի ստեղծագործություններից մեկի վերնագիրն է։
Անվանեք ստեղծագործությունը, հաշվի առնելով, որ նավարկությունների ժամանակ հազվադեպ էր տրվում պաշարները թարմացնելու հնարավորություն։
Vemintel
26.05.2013
Պատասխան՝
"Անասնաֆերմա"
Առաջին համաշխարհային պատերազմում Ավստրո֊Հունգարիան չէր ձգտում գերիշխանության հասնել Միջերկրական ծովի ավազանում։ Այնուամենայնիվ, առաջին աշխարհամարտին նվիրված ալեգորիաներից մեկում հեղինակը Ավստո֊Հունգարիան պատկերել է այդպես։
3 բառով նշեք, թե ի՞նչ կերպով է պատկերված Ավստրո֊Հունգարիան, հաշվի առնելով, որ այդ արտահայտությունը վերցված է հայտնի ռուսական հեքիաթից։
Vemintel
26.05.2013
Պատասխան՝
"կոտրած տաշտակի առաջ"
Ֆրեդրիկ Մակմանի ստեղծագորլություններից մեկի հերոսուհին գտնվելով բարդ անձնական դրության մեջ մեխանիկորեն պտտում էր x-ը, համեմատելով այն հեղույսից թուլացած պտուտակի հետ։
Անվանեք x-ը երկու բառով։
Vemintel
26.05.2013
Պատասխան՝
Ամուսնական մատանի
Անգլիայի դիտարժան վայրերից մեկում գիդը հարցում է անցկացնում այցելուների շրջանակներում, ճշտելով սիրու՞մ են նրանք սատանաներին, թե՞ ոչ, ինչից հետո 2 սյունակների մեջ համապատասխանաբար գրանցում է այցելուների անունները։
Անվանեք դիտարժան վայրը 2 անգլերեն բառով։
Vemintel
26.05.2013
Պատասխան՝
"Old Trafford"
Մեկնաբանություն: Խոսքը մանկունյանցիների մարզադաշտի մասին է, գիդը ճշտում էր արդյո՞ք այցելուն երկրպագում է կարմիր սատանաներին («Մանչեսթեր Յունայթեդ») և համապատասխանաբար առանձնացնում երկրպագուներին ստադիոնում
Աբսուրդոպեդիայի համաձայն, х-ը ոգեշնչել է italic տիպի բազմաթիվ շրիֆտերի ստեղծմանը։
Նշեք х-ը երկու բառով։
Vemintel
26.05.2013
Պատասխան՝
Պիզայի աշտարակ